الضحك علي العباد في عيد الميلاد
الفكرة فكرة الحاجة نبيهة لما حست بضيقة نادت جوزها الحاج سعده وقالتله شوف لك طريقة تكون زكية وتطفي الحريقة احنا في ازمة مالية
قالها ديريني ودبريني دا انتي نور عيني والواد فكة دلعه معيشنا في ازمة ودي الحقيقة
ردت عليه بعد مارفعت حاجب ونزلت حاجب
يا ابو الأفكار انا اللي اقولك يانهار فيه الغبي ملوش نايب عيد ميلاد الواد عدي من تلات شهور وعيد الميلاد التاني حل عليه الدور
الحكاية كلها وكان صوان وقاعدة والحاج سعده ومطرب اقرع وراقصة والنقوط شغال وارمي المال ومش مهم العيال واهي هيصه وكل اللي شرفوا الحاج سعده ملوك الانفاس بيشدوا في الحشيش ب اخلاص ويا عيني علي السهيرة وهما بيدوها بيرة حاجة تعيشك في حيرة والكل وعلي البال هما بيعملوا ايه والليل يفوت والمعازيم مروحين تايهين عن البيوت المهم الحصيلة اللي لمها الحاج سعده يفك ازمة والاسم عيد ميلاد الواد فكة والفكرة للحاجة نبيهة
واهي حكاية وكل مزنوق يروق لو عمل لعيل عيد ميلاد
بقلم محمد الطامي
ليست هناك تعليقات:
إرسال تعليق