كبرياء أنثي

بقلم الأديب محمد الطامي

********

مسير الحي يتقابل
 وانا قابلة وصابرة وربنا جابر

ولما اقابله هعمل اني مش فاكراه

واني نسيته من سنين

مش هرمي بروحي عليه 
ولاهبص في عينيه

ولاهسمع اي كلام يقوله

ولو دعاني للرقص مش هرقص معاه

صحيح حرماني أذاني بس هواصل
 وايه فاضل من الألم مخلنيش اقول آه

كفاية علّيا انه يحس اني من غيره 
واقفة علي رجليّا وصامدة وقوية

ان شاور عقله وقلبه ومال عليّا

هبعد عنه ومش هطاوع قلبي واقرب اليه

وتمشي الحياة وتشوفوني بعيش

بقلم الأديب محمد الطامي

السبت 26/8/2017