شمس حياتي في طلتها شروق
اسكندراني
بقلم الأديب محمد الطامي
بقلم الأديب محمد الطامي
***************************
حبيبتي اسكندرانية
حبها ميه علي ميه
اوعوا تخلوها تتقل
انا بتمناها عليا تسأل
حتي تقلها
بيشوقني اكثر
حلاوتها في اليشمك
والملاية اللف
خلت عقلي اتجن وخف
صيادة وصنارتها بتشبك
نظرة عينها مشبك
وياسلام علي رنة الخلال
ياولاد الحلال
من دا الجمال
اوزنه بالمال واكثر
واشتقاله واحلم
زي ما اكون هلال
عايش احتفال الأبطال
بنشوة انتصار الحب
فرحة روح وسلامة قلب
وياسلام عليها لما
الاقيها
ماشية علي الشط
بتدلل زي البط
واخده الدلع غية
اصل هي كل
العشق والحب
دي حياتي ونور العينين
ياما بصيت لها بحنين
وجريت وراها سنين
اقولها علي مهلك ياحلو
تبص بطرف عينها وتفل
وتسيبلي عطر الفل
حبيبتي ست الكل
الله يحرسها من اهل الغل
و يعينها علي دا الجمال
وياسلام لما تقول
ايووووووووه
ياناس ياهووووه
ارحموا عاشق مجنون
دايب دوب في بحر حنون
اه يافراق ملعون
لما تحرمني من نسيم بيكون
سر وجودي وحياتي
اكثر من كده حنية ملقتش
احلي من كده دلال محصلش
غيرها في الدنيا دي انا
معرفش
ربي يخليها ليا
حبها بيدوب فيا
عايش احساس الحب
لها هيا
جميلة وكلها انسانية
شمس حياتي
في طلتها شروق اشكندراني
بقلم الأديب محمد الطامي
ليست هناك تعليقات:
إرسال تعليق