الثعلب
بقلم الأديب محمد الطامي
***********
حبيته ياه وكان سري معاه
وامنته علي قلبي ونفسي
وكان يومي وامسي
ومستقبلي وكل الحياة
هو بطل حكايتي
عدم اهتمام أسرتي بيا
ودي اصعب قضية
وأنا زهرة في عمر الزهور
والفكر بعقلي بيدور
زي فراشة عاشقة النور
وبشتاق زي كل البنات
للحب والكلمة الحلوة
والحلويات
والمشاعر واحاسيس
الأحتواء
من الألف للياء
وفي يوم قابلني صدفة
ومكنتش عارفه
ايه هيحصلي معاه
عرض عليا الحب وصدقته
واتاريني قبل م اتجوزه
طلقته
ياه بجد أسفه
حسيت انه صادق
مش ممكن الوجه البرئ
يكون منافق وخاين
ويلعب بأعراض الناس
ويداين
حاجه سيئة
أمنته علي خزائن اسراري
يانهاري
دا انا غلطت حتة غلطة
كنت فاكراه طيب ومؤدب
اتاريه ثعلب وعاوز يلعب
بس ربنا غالب
وقادر يغلب
وبعدت عنه في الوقت
المناسب
ودي نصيحه لكل الحبايب
السر لوذاد عن واحد
نتيجته مصيبة اوجلطة
واللي يبعد عن الصح
غلطته هي الغلطة
يلاقي نفسه بين انياب
ثعلب
بقلم الأديب محمد الطامي
ليست هناك تعليقات:
إرسال تعليق