حكاية نملة
بقلم الأديب محمد الطامي
****************
نملة حامل وزوجها خامل
بتجري علي الأولاد
لبست ثوب الشقا
وزهر الأنوثة بقي
يبّكي الفؤاد
تصحي في البدرية
رايحة وجاية
وكأن مفيش في البيت
غيرهيّ
وكل اللي حواليها مات
بتحب زوجها واولادها
والحب واخدها
والهم راكبها
وحمْلها معذبها
مبتصعبش علي نفسها
مع أنها
صعبانة علي البلاد والعباد
الواد عاوز مصروف تديله
زوجها عاوز علاج يجيله
الصغير يبكي تغنيله
قلبها الحزين تاه دليله
الولاد صغار
والأب مريض نار
وتعب الحمل بيزود المرار
والنملة ملهاش اختيار
والولاده وقتها حان
زي انتظار الأذان
في شهر رمضان الكريم
بين الحين والحين
يارب سهلها
عايشين زمن فيه نملة
بميت جمل
ومهما حصل عندنا أمل
في بكره اجمل من النهارده
بقلم الأديب محمد الطامي
ليست هناك تعليقات:
إرسال تعليق