قصيدة :: حبايبي
بقلم الأديب محمد الطامي

***

أهلي وناسي
دايما علي راسي

وفي عقلي وفكري

متمكنين من احساسي

أنا منهم وهما مني

لوغبت عنهم

القلق يلزمهم

مايملوش في السؤال عني

هما نور عيوني

وانا بدونهم

حيران زعلان

مايحلاليش مكان

وماحسش بالامان

والخوف عليهم يتملكني

يازمن قاسي

حزنك علي مقاسي

اوعاك تقرب مني

ابعد واهرب وغرب عن سمايا

داويا في حضن حبايبي

لهم معايا

مشاعر  واحاسيس

اكثر ما كان بين سليمان وبلقيس

عايش بحنانهم في الدنيا

ماقدرش افقدهم

معاهم قلبي وروحي

هما كل الحكاية

امورة وقمراية

وحلم جميل

وليل بيعدي منهم بيغير

انا بيهم مفتون

وبتاخدني الظنون

وادوب فيهم  من التفكير

يارب احرسهم ليا

واحميهم لروحي وقلبي

وسيبهم لي عطية ومنحة ربانية

يارب انا بحبك من كل كياني

وحناني قبل الكل لك

انت اللي عالم بيا

وانا عارف ان الدنيا زايلة

وشايلة  ذنوبي المستخبية

ياساترني ارحمني

انت اعلم بالطينة البشرية

مخلوقة من عجينة الدود

وغرورها ملوش حدود

يلزمها تربية

ربيها وعلمها

وخفف المها

وعلمها التوب
بقلم الأديب محمد الطامي