صرخة حرية
قصيدة : صرخة حرية
بقلم الاديب محمد الطامي
*******************
حطينا ايدينا في ايدين بعض
وقلب حضن قلب وحلفنا لنقيم الحد
علي الظلم والطغيان والفساد والرشوة
ومانقبلش احسان من حدحتي ولو عشوة
*************************
ولاهمنا جبروت ديكتاتور ولاهيجان ثور
ولاموت في قبورالعتمة
أوجن يطلعلنا في الظلمة
كان كل الظلم بيترعش من ايد واحدة
*************************
مكنش قدامنا غير هدف واحد
والرب حارسنا وشاهد
واللي خدهم مننا شهدا
فوق روسنا طاروا نوروا الدنيا
علشان احنا نصحي ونفوق
في صباح طاهر ونبطل نطاطي
*********************
ومصلحة بلدنا يااخواتي
ارواحنا فداكي
معدناش نخاف من النبوت
ورهبة الموت
وازاي اخاف من الرهبة؟
**********************
واخواتي الصغيرين ماتوا شهدا
وأناحضني في حضنهم واقف
دمهم في ايدينا وعلي قلوبنا
فوقنا علي صرخة الم
سابوها جوانا
بتنادي مع ندانا
طول عمر مصر ايد واحدة
*********************
بس الخونة جرونا
لخدعة الصندوق
والنار والجنة وقسمونا وفتاتونا
ورموا الدخان في عيونا
ولعبوا بعقولنا
ومهما قلنا مازلنا بنعاني
***********************
مسلم ومسيحي
وعلماني واخواني
ومن يومها بنعاني
راح خاين وجه خاين
وكل كائن علي ارض بلادي
فهم اللعبة
**********************
استبداد بغباء اكثر من الاول
واستحواذ علي الدولة
والعملة في الحضيض صارت
والمعاملة في طريق السوء سارت
************************
والعقول
حارت واحتارت
في الاخطاء اللي بالجملة
وياللي فهمت اللعبة اتغير
واكتب وصور وانشر الحرية
***********************
أصعب من الموت
احتلال الفكروالتراث
وميراث الحب وسرقة القوت
اقسي واصعب من احتلال البيوت
وعلشانه نموت
يابلادنا يامصر ياحرة
*************************
جزائنا في الاخرة
بس انتي تعيشي الاول
حرة لولادنا
ولما نروح لأجدادنا
في نهاية اجلنا
نكون مرفوعين الراس
*******************
بقلم الاديب محمد الطامي
ليست هناك تعليقات:
إرسال تعليق