االعالم

دول بتقع ودول بتنهض

ودول بتدفع ودول بتقبض

ودول بتكيد دول

ودول بتفيد دول

ودول بتتسيد علي دول

ودول عشان كراسيها

خدامة لدول

والمقام للمصالح الاول

انهب والعب واضحك واضرب

المهم تغلب وتبقي تعلب

ودول راكبة سطوتها

ودول بالمال بتمارس لعبتها

ودول بغبائها بانت لبتها

ودول دول اهلي بخطري 

ومن غصب عني حبتها

واهي مسيرة تايهه

فيها الناس الخبيرة

عايشة في حيرة

ساعات تحب ناس كرهتها

وساعات تكره ناس حبتها

ويما شوفنا قنابل

زي طباخ عامل

من الناس للناس فطيرة

ومفيش حد عرضه سالم

في زمن الجاهل

حايز علي لقب عالم

ومفيش غير ربنا العالم بالحقيقة

دول طالعة لقدام ودول راجعة لورا

ودول عايشة حياتها مسخرة

ودول بتاكل بالاسطرة

ودول معصورة في المعصرة

ودول خيرها لغيرها

ودول مسيرها لمصيرها متحضرة

بقلم محمد الطامي

آدم

احساسك هو اللي مش هو

وناقصة العقل ياحوا

انا كلي حيوية وقوة

وحنيتي زايدة شوية

بس انتي فيكي حتة مبتورة

مشوهه احساسك ياسنيورة

ومخلياكي في الصورة

ابدا منتيش هي

مركزة في مكياجك وبتهملي احساسك

ودي اكثر حاجة في العالم

تغيظ ادم يا حوا

 بخدك في حضني وانا صابر

احساسي راسي مش عابر

واقول ربنا جابر

وتجيبي اللي فيك فيا وهي دي القضية

ترمي السبب عليا وتقولي حبيبي مش قادر

بحاول ادفيك ياشعلة مطفية

ياشمعة رافضة تقيد قافلة باب الحنية

عيشي حياتك بشوية حرية

وحسي بيا قبل ماتتهميني

انا بموت فيك حطك في عيني

دانا معاك بكل حواسي داانتي لو صحيح تتواسي

من غير قلبي وروحي يواسيك

ولوكان قلبك اكثر حتة حساسة بأمارة ايه ياغشاشة

دا انا حضني زي الكماشة بس انتي فحمة نارها مطفية

من الاخر الاعتراف بالحق فضيلة وكان نفسي عيشتنا جميلة بس ملقتش معاكي وسيلة 

ياريتك قولتي مفكيش للرجالة وريحتينا من الاول

ياحبيبتي من الثقالة نغش حبايبنا وعن الحق نتحول 

    بقلم محمد الطامي