قصيدة جروح فى قلب الروح

قصيدة : جروح فى قلب الروح

بقلم الاديب محمد الطامي

*********************

نار الشوق حَلال لوكانت للجنة

وانَا كل يوم علي ضيّها بتحنّي

ليوم الوَّعد بستنّي

...................

من صُغري غاوٍيها

ومش خايف أنا مِنها

ودُغري تِجيني أدُوب فيها

...................

 وبِرقة تِقرب مِني

 وبِحناني ووِجداني
أقول أه ياني

.....................

أغازِلها أجري أحضنها و

ويبعدُوني أهلي عَنها

اتخانِق أنا وياهُم

...................
 وأرْجَع لها من تاني
والدُنيا سَمْعاني
مابنْكِسفش أنا مِنها
.....................

بِعادتْهُم مابِين الصَّعبة والسَّهلة

وكأني عنتر بن شداد

 بيعاني من لُون الحداد

في حُب الحبيبة عَبلة

...................

 بقلُوبهم الدَّافية

 يُعطونِي مُهلة

مااسْمع أنا النَّصِيحة

......................

ومَخفْش من الفِضيحة

 وأعود ليها تِحرقني

ومَكان الحرْق يوجَعني

.......................

 ومااتُوب وأعُود تاني

 للنَّار احْضُنهاواغازِلها

وفي قََََلبي تِحرقني و تِكويني

...................

 زي مايكُون جِين في تكوِيني

غاوي اللّعب أنا بِيها

تدفيني وادفيها

.........................
وانا فيها مَليش حِيلة
ساعة مابتدلَّعني
وبَردها وسَلامها يِمتعْني

.....................
وأقول للدنيا تِسمَعني
القادر قادر بالحب يِجمعني
ومَهما الشر رَوعني
فيه رب يُسترني و يِحميني

...................

 في أشْعاري

وبُوحي وحواري

بحسها داري
وعَليها بَداري

 وأنا ساكن فيها

....................

وراسمْها علي صدري

  وأقولها قََربي ياقَدري

 واهمسهاوأحاكِيها

.................
وساعة الصفا

 مع نِسمة دَفا

يصحي الوفا اناجِيها

.................

عَشقان تيْهان الاَقيها

 بِحنان غَرقان أنا فيها

قلُوب وأرْواح بِتحب بَعضيها

.....................

نَبْضي  وذِكرياتي وأهاتي

علي كل جَدار في حَوارِيها

في قلبي راسم خَطاويها
.....................

مع اِني من زمان غاويها

في لَحظة تَوَهان بَدارِيها
وقَلبي سكران يِناديها

...................
مِن قلب دكاكِنها ونَاديها
عِشقت دُروب الحرْمان فِيها

احوم سنين العمر حواليها

...................

وعايش في حنانها نَعسان
بدعي ربِّي الحَّنان

 في حُضني يِخليها
....................

ولِبست تَاج الزَّاهد العَّارف

بس مش عَارف

 ليه للنَّار بَحن

بشوق وحَنان

.........................

مابين الحرب والسلم

وبيجيني في اليقظة والحِلم

 ياملاك .....  ياجن

.........................

بسْ قلبي بِيقولي بِخُوف
ياحبيبي اِعْمل مَعروف

 لوجف النَّبع علي بُعد الشوف

.........................
من العَطَّش يِموت السَّبع

علي انه يِعيش ضبع

تِشمت فيه كلاب

 الحيِّ والرَّبع
لما ستره يكُون مَكشوف

.....................

و الجَّنة الله عليها فِيها

حب وجمال و عشق

 ونارمش زي النّار

...................

نار بتدفي الاوتار

وتخلي الحياة جنة
بطعم العسل والشهد

.....................

ومَزار وانْهاروحوار

وملاَّيكة حُور وأنوار

وأغاني واشعَار ورقْص

.........................
نختمها برؤية  الخالق
فالق الحب والنوي ورازق
الدودة في قلب الصخر

.....................

بيها وجهنم الله أعْلم

ربّنا يشفِيها

 من قلبي بدعيلها
وبنحلم
 ان فيهاجحيم نار

...............................

بيحرق ذِنوب وأوْزار
ياعيني عليها مَحرومة
من العشق والحُّب
وعِيشة الليِّ فيها

..............................

 مَرار وعذاب ونَار

لكل العصاة والقضاة والحكام

اللي خالفوا الضمير والرب

...................................

وانا كده عايش بَسايسها

مِش مُمكن أكُون عاريسها

ربِّنا يكفيني شَّر تبويسها

......................................

وتقابل حدغيري مُغرم يونسها

واروح انا الجنة الليِّ في بالي

والنَّار القاسْية تنساني

.................................

واقول يارب ياوحداني
تهديني وتهدي خلاني
وفي الخير تكثر اوزاني
زي ماترزق الطير..

بقلم الاديب محمد الطامي