قصيدة تعالى نشوف ام الخوف

قصيدة ::: تعالي شوف ام الخوف
بقلم الاديب محمد الطامي
ـــــــــــــــــــــــــــــــــــــــــــــــــ
يافراعنة اصحوا من التوابيت
فوقوا من نومــــــــة التحنيط
وعرّفوني أيـــه اللي بيحصل
لأم الدنيــــــــــــــــــــا مصر
ـــــــــــــــــــــــــــــــــــــــــــــــــــــ
ليه انهد الجسر بين الاخ وأخوه؟!
ليه الكل مذهول بيقول ياهوووه
ومحدش بيسمع حد ....... ليه ؟!
ـــــــــــــــــــــــــــــــــــــــــــــــــــــ
الجيش في بر والشرطة في بر
وحالنا بؤس معدش يســــــــــر
متنا من الظلم والعصيّان والقهر
ــــــــــــــــــــــــــــــــــــــــــــــــــــــ
والحكام صّم مش سامعين
ودن من طيــــــــــــــــــــن
والطين مروي شبعان دم
ــــــــــــــــــــــــــــــــــــــــــــــــــــــــ
وودن مـــــــــــــــــــن عجين
والعجين حواليه مليار سيــــن
ويارتنا لاقيّن غير الشــــــين
كنّا بوسنا الايدين .. وش وظهر
ــــــــــــــــــــــــــــــــــــــــــــــــــــــــــ
مين هينتخـــــــــــــب مين ؟!
والحاكـــــــم المنتخب فين ؟!
بيدوس علـــــــي كل القوانين
وبيدهس حلـــــــم المصريين
ــــــــــــــــــــــــــــــــــــــــــــــــــــــــــ
بصراحة انــــــــا متحير
وببكي بدل الدموع دم
ونفسي حــــــــــــد يهتم
لاعاد خالــــــــــــي خال
ولا عمـــــــــــــــــي عم
ـــــــــــــــــــــــــــــــــــــــــــــــ
يافراعنه حالكم محيـــــرني
حد فيكم يصحي يبصـــرني
هما المصريين في تارخكم
مين ؟!!!مبدعين وفنانيـــــن
ـــــــــــــــــــــــــــــــــــــــــــــــ
ولا عبيد بيبوسوا الايديــــــن
وينافقوا الحكّــــــــام المستبدين
ويجمعهم نفير ويفرقهم كرباج
ـــــــــــــــــــــــــــــــــــــــــــــــــــ
ويامؤمنين بالله و رسوله
عندي سؤال بالله بقولــــه
النبي محمد عليه السلام
ــــــــــــــــــــــــــــــــــــــــــــ
وصّي علــــي المصريين
خيرة المسلمين من الحكام
ولا وصي ابو الحجاج الثقفي
ـــــــــــــــــــــــــــــــــــــــــــــ
يارسول الله أنا مؤمن بالله
محلتيش غير شرفــــــــــي
وخايف عليــــــــــــــــــــــه
ــــــــــــــــــــــــــــــــــــــــــــــــــــ

ام الخــــــــــــــــــــــــــوف
من حزنها معدتش بتشوف
غيرالمهــانة وقلة المعروف
والقتل بايدين جبانة بدون كسوف
ـــــــــــــــــــــــــــــــــــــــــــــــــ
ام الدنيا زمان النهاردة غلبانة
نايمة حزينة كئيبة فــي جبّانة
علي الامهات الثكالي الحزانه
ــــــــــــــــــــــــــــــــــــــــــــــــــــــــ
وارواح اولادها الشهدا حيرانه
والعدالة مريضة بتعاني عياّنه
من حقها اللي بيغتصب ويروح
ــــــــــــــــــــــــــــــــــــــــــــــــــــــــ
وحسب الظروف لوفيه ظروف
يمكن تلاقي اللـــــي يجيب حقها
ويصون شرفها وعرضها
ويطمنها من الخوف
ويمكن ويمكن ...... هنشوف!!!